Khomr teh loba pisan bahaya pikeun anu makena, diantara:
1.
Ku miras ieu setan ngahaja ngahalang-halang jalma Islam
tina dzikir ka Allah SWT jeung nimbulkeun kaceuceub jeung mumusuhan di kalangan
masyarakat umum.
Allah ngadawuh dina QS. Al-Maidah ayat 90-91
“Yeuh jalma-jalma anu ariman! Saestuna taya lian ngan wungkul arak, ngadu,
peupeuncitan keur berhala, jeung nujum, (eta teh) kotor, lampah setan. Ku
kituna kudu disingkahan ku maraneh sangkan maraneh bagja. Saestuna setan teh
ngan wungkul hayang ngadukeun antara maraneh supaya mumusuhan jeung
silihpikaceuceub ku arak jeung ngadu, sarta mengkolkeun maraneh tina eling ka
Allah, jeung tina salat. Naha maraneh teh moal eureun.” (QS. Al-Maidah: 90-91)
2.
Jadi sabab sagala wujud tindakan kajahatan atawa
kriminalitas.
Rasulullah saw ngadawuh,
“Jauhan ku aranjeun khomr, kulantaran eta khomr teh konci pamuka sagala
kajahatan.” (HR. Hakim jeung
Baihaqi)
“Kudu ati-ati anjeun kana khomr, saestuna dosana teh ngalahirkeun dosa-dosa
anu lianna, sakumaha tangkal anu ngajadikeun dahan-dahanna.” (HR. Ibnu Majah)
3.
Allah ngala’nat ka jalma anu nginum khomr.
Rasulullah saw ngadawuh,
“Allah ngala’nat khomr, jalma anu nginumna, jalma anu nicikeunana, nu
ngajualna, nu meulina, jalma nu meresna, jalma anu nyokot hasil tina
peresanana, jalma anu nganteurkeunana, jeung jalma anu menta dianteukeunana.” (HR. Abu Dawud)
4.
Nu nginum khomr disarupakeun jeung nu sok nyembah
berhala.
Rasulullah saw ngadawuh,
“Nu nyandu khomr saperti nu sok nyembah berhala.” (HR. Ibnu Majah)
5.
Pikeun nu nyandu khomr diharamkeun asup ka surga.
Rasulullah saw ngadawuh,
laa yadkhulul jannata mudminu khomrin.
“Moal asup ka surga nu nyandu khomr.” (HR. Ibnu Majah)
6.
Teu ditarima solatna salila 40 poe.
Rasulullah saw ngadawuh,
“Sing saha anu nginum khomr jeung mabok, tanwande solatna moal ditarima
salila opat puluh isuk jeung mun seug manehna maot tanwande manehna asup
naraka, (tapi) lamun manehna tobat, Allah bakal narima tobatna. Jeung mun seug
balik deui nginum jeung mabok, tinangtu solatna moal ditarima salila opat puluh
isuk, mun seug maot manehna asup naraka, (tapi) lamun manehna tobat, Allah
narima tobantna. Jeung mun seug balik deui nginum jeung mabok, tinangtu solatna
moal ditarima salila opat puluh isuk, mun seug maot nya manehna asuk naraka,
(tapi) mun manehna tobat, Allah narima tobat. Jueng mun seug (masih) keneh
balik deui (nginum khomr), nya mangrupakeun hak Allah mere nginum ka manehna ti
Radghotul khobal dina poe kiamat. Aranjeunna tumaros, “Ya Rasulullah, naon ari
raghotul khobal teh?” Anjeunna ngawaler, “Cai kotor (anu kaluar tina awak)
pangeusi naraka.” (HR. Ibnu Majah)
Sisi negatif khomr keur kasehatan
1.
Disfungsi
sesual jeung ejakulasi dini
2.
Ngarampas
akal
3.
Ngaruksak
lambung
4.
Mere
pangaruh goreng kana turunan
5.
Kanker,
panyakit jantung, gangguan pernafasan jeung gangguan hate.
