“Bah, punten ngawagel”.
“Manga, aya naon?”
“Hoyong ngobrol we bah, tos lami teu
ngobrol sareng abah”.
“Heu sok atuh, aya naon?”
“Naha nya bah barudak sakola ayeuna
mah ngaredul diajar?”
“Nya eta kitu masalah barudak ayeuna
teh,ngedul kana diajar”.
“Cing kinten-kinten tiasa diungkulan
eta masalah teh bah?”
“Nya bisa wae, ngan nubakal bisa
ngungkulan eta masalah lain batur tapi dirina eta budak sorangan”.
“Kumaha bae bah carana hijibudak
sangkan bisa leupas tina sipat ngedul?”
“Diantarana nya kieu:
Kahiji, ayana kasadaran yen nungtut
elmu nyuprih pangarti nyiar pangabisa teh lain kawajiban ti sasaha tapi ti
Allah. Nu mun dilaksanakeun bakal
meunang ganjaran sabalikna mun ditinggalkeun bakal meunang siksaan.
Kadua, ngagedurkeun sumanget diajar.
Katilu, kudu ngajauhan hal-hal anu
matak ngaganggu dina diajar. Nyaeta diantarana bae: HP, maen game, internet,
jeung ulin nu teu paruguh. HP bisa mere mangpaat jeung lolobana mah matak
ngamadorotkeun keur nu nyekelna. Keur diajar torojol nu ngaBBM, torojol nu
ngaSMS, kring anu nelepon. Atuh teu bener diajarna da loba nu ngaganggu nu
datangna tina HP.
