Ku
Rahmat Taufik Hidayat
Dina bulan
Romadhon teh tiap muslim diberesihan dirina tina sagala kokotor anu nempel dina
diri. Mun komputer mah disebutna teh dican tina sagala virus nu matak
ngaruksak. Virus-virus anu matak bahaya nu numpuk dina kolbu nu pasolengkrah
dina manah. Sadayana diberesihan ku tarbiyah salila sabulan campleng.
Ngan
hanjakal, teu sakabeh jalma bisa ngajaga kebersihan dirina sanggeus
diberesihan. Da nalika kaluar tina Romadhon teh lir ibarat kuda kaluar ti
gedogan. Ngarasa bebas, laluasa jeung lalugina pikeun ngalakukeun hal-hal anu
matak ngotoran deui jiwana.
Geura urang
titenan naon wae anu kaasup kana hal-hal anu matak ngotoran diri saba’da
Romadhon teh. Dinatarana:
1.
Hiburan di maleman hiji Syawwal.Loba jalma anu
ngeusian malem hiji Syawwal teh ku ngider jalan-jalan. Malah teu saeutik anu
bari ngarinum nimuman keras sagala. Begadang nepika subuh. Nu antukna isukna
maranehna jadi kurang sare. Waktu takbiran kalahka nundutan. Waktu khotib
khutbah sarua kalahka tibra.
2.
Sasalaman jeung nu lain muhrim. Awewe jeung lalaki
sasalaman silih penta hampura dosa bari ngalakukeun deui dosa.
3.
Nyeungeut pepetasan di astana. Sawarehna deui loba
jalma anu ngadon ngaborong pepetasan tuluy diseungeut di kuburan.
4.
Ngembang di kuburan. Sawarehna deui aya anu mawa
kembang rupa-rupa jeung cai dibotolan tuluy diceborkeun dina luhureun kuburan.
5.
Cul shalat nalika di perjalanan. Loba jalma anu cul
sholat mun keur nyanyabaan. Boh inditkeun atawa balik ti panyabaan.
6.
Barang dahar sataker kebek. Pedah sagala aya, sagala
hayang. Ngarasa bebas deui barang dahar beurang sanggeus sabulan teu meunang
dahar beurang.
7.
Ati mungkir beungeut nyanghareup. Teu saeutik jalma nu
sasalaman bari biwirna ngucapkeun menta hampura atawa mere hampura. Bari dina
hatena mah anger we medenghel keuheul jeung dendam.
8.
Sok aya oge barudak ABG anu ngadon piknik bari
dibarung ku ngalakukeun ma’siyat, ngalakukeun pagawean nu can meunang
dilakukeun ku pasangan nu can sah jadi salaki jeung pamajikan.
9.
Sumanget deui ngalakukeun pamusyrikan jeung
pabid’ahan. Loba nu ngadon zarah ka pamijahan jeung tempat-tempat sejenna.
10.
Masjid suwung deui ti nu ngalakukeun sholat, kuliah
subuh jeung tadarus Al-Qur’an. Mimitina saacan Romadhon paling banter sajajar. Lolobana
mah saurang deui we ketua DKM na.
11.
Nu biasa sumanget infak jeung sodakoh di bulan
Romadhon, balik deui jadi lebar ngaluarkeun infak jeung sodakoh.
12.
Perilaku di saacan Romadhon jeung saeunggeus Romadhon
taya bedana. Taya hasil, taya parobahan diri.
13.
Campur baur awewe jeung lalaki, sarta awewe maruka
orat di tempat wisata cai panas.
