Ku Rahmat Taufik Hidayat,
Dalang Wayang Da’wah
Bagja
temen mun seug urang jadi jalma anu miboga rasa cinta anu kacida kuatna ka
Allah jeung teu resep kana kakufuran jeung kadorakaan. Sakumaha dawuhan Allah
SWT:
“Jeung masing nyaraho yen di antara maraneh teh aya
Rasulullah, upama maranehna nurut kana kahayang maraneh dina kalolobaanana
perkara, tanwande baris nyusahkeun maraneh, tapi Allah ngajadikeun maraneh
micinta iman, jeung Anjeunna mapaeskeunana dina hate maraneh, sarta Anjeunna
ngajadikeun maraneh ngewa kana kakupuran, jeung kana kapasekan jeung kana
doraka; nya maranehna anu meunang pituduh”.
(QS. Al-Hujurat: 7)
Dina sababaraha ayat dina Al-Qur’an
dijelaskeun saha bae jalma anu dipicinta ku Allah SWT. Diantarana bae:
Kahiji,
Jalma
anu jihad di jalan Allah.
Allah ngadawuh:
“Saestuna Allah micinta ka jalma- jalma anu perang dina
jalan- Na kalawan ngabaris lir hiji benteng anu tohaga”.
(QS. Ash-Shaff: 4)
Kadua, Jalma anu sabar.
Allah ngadawuh:
“Jeung Allah teh micinta jalma- jalma anu salabar”.
(QS. Ali Imran: 146)
Katilu, Jalma anu ngalampahkeun
kahadean.
Allah ngadawuh:
“Saenyana Allah micinta jalma- jalma anu ngalampahkeun
kahadean”. (QS. Al-Maidah: 13)
Kaopat, Jalma anu adil.
Allah ngadawuh:
“Saestuna Allah micinta jalma- jalma anu ngajalankeun
kaadilan”. (QS. Al-Maidah: 42)
kalima, Jalma anu tawekal.
Allah ngadawuh:
“ Saenyana Allah micinta jalma- jalma anu tawekal”.
(QS. Ali Imran: 159)
Kagenep, Jalma anu berseka.
Allah ngadawuh:
“Jeung Allah micinta jalma- jalma anu berseka”.
(QS. At- Taubah: 108)
Sarta dina sababaraha ayat
dijelaskeun ngeunaan jalma- jalma anu Allah teu micinta ka maranehna,
diantarana:
Hiji, Jalma anu ngaliwatan
wates-wangen.
Allah ngadawuh:
“Yeuh bani Adam! geura pake pakean maraneh anu
harade saban- saban salat, jeung pek geura dalahar, geura ngarinum, tapi ulah
ngaliwatan wates-wangen, karana saestuna Allah henteu micinta jalma- jalma anu
ngaliwatan wates-wangen”. (QS. Al-A’raf: 31)
Dua, Jalma anu takabur.
Allah ngadawuh:
“Saestuna Allah henteu micinta jalma- jalma anu takabur”.
(An- Nahl: 23)
Tilu, Jalma anu resep gedebul
gede rahul.
Allah ngadawuh:
“Saenyana Allah henteu micinta jalma- jalma anu
bedegong lampahna jeung anu gedebul omongna”.
(QS. An-Nisa:36)
Opat, Jalma anu darolim.
Allah ngadawuh:
“jeung Allah henteu micinta jalma- jalma anu darolim”. (QS. Ali Imran: 57)
Lima, Jalma nu sok nimbulkeun karuksakkan.
Allah nagdawuh:
“jeung Allah henteu mikaresep jalma- jalma anu
nimbulkeun karuksakan”. (QS.Al-Maidah: 64)
Genep, jalma nu
hianat.
Allah ngadawuh:
“Karana
saestuna Allah henteu mikaresep jalma- jalma anu hianat. (QS. Al-Anfal: 58)
